Të paktën 30 persona humbën jetën pasi një zjarr shpërtheu rreth mesnatës me orën lokale në një restorant të mbushur me klientë në Bangkok, kryeqytetin e Tajlandës, raportuan mediat vendase të dielën.
Sipas transmetuesit publik Thai PBS, zjarri ra në restorantin Rong Beer Na Ladprao, një lokal i njohur në zonën Ladprao të distriktit Chatuchak.
Ekipet e shpëtimit kanë identifikuar deri tani 17 gra dhe tetë burra mes viktimave, ndërsa identiteti i personave të tjerë të vdekur ende nuk është konfirmuar.
Zjarrfikësit dhe ekipet e emergjencës evakuuan disa persona nga restoranti, ndërsa të plagosurit u dërguan në spitalet e afërta për trajtim.
Sipas raportimeve, shumica e viktimave u gjetën të bllokuara brenda tualeteve të restorantit.
Pamjet nga vendngjarja tregojnë njerëz që bërtisnin dhe largoheshin me panik nga ndërtesa, ndërsa ekipet e shpëtimit zhvillonin operacionet e evakuimit.
Shkaku i zjarrit nuk dihet ende dhe autoritetet kanë nisur hetimet për zbardhjen e ngjarjes, shkruan AA.
