Partia qeverisëse e Azerbajxhanit, “Azerbajxhani i Ri” emëroi të premten Presidentin Ilham Aliyev për rizgjedhje në zgjedhjet e parakohshme presidenciale të vendit vitin e ardhshëm.
Agjencia e lajmeve Trend me bazë në Baku njoftoi se vendimi u mor në një takim të zgjeruar të udhëheqjes së partisë të mbajtur në kryeqytetin e vendit.
Kandidatura e Ilham Aliyev u miratua njëzëri, shtoi ajo.
Javën e kaluar, Aliyev njoftoi se zgjedhjet e parakohshme presidenciale do mbahen në vend shkurtin e ardhshëm.
“Komisioni Qendror i Zgjedhjeve i Republikës së Azerbajxhanit duhet të sigurojë që zgjedhjet e jashtëzakonshme presidenciale të Republikës së Azerbajxhanit të caktohen për 7 shkurt 2024”, thuhet në urdhër.
Zgjedhjet e ardhshme presidenciale në Azerbajxhan ishin planifikuar për vitin 2025.