Libero Milone, ish-krye auditori i Vatikanit, ka paditur Sekretariatin e Shtetit të Kishës dhe auditorin aktual të përgjithshëm, duke pretenduar se Kisha ka rihapur një hetim penal të pabazë kundër tij në mënyrë që t’i mbyllë gojën pasi ka injoruar raportet e tij për shkelje zyrtare.
Milone dhe kolegu i tij auditor Ferruccio Panicco pretendojnë se Vatikani u ka dhënë fund kontratave të tyre padrejtësisht, ka shkatërruar reputacionin e tyre profesional dhe i ka bërë persona non grata në Itali. Ata po kërkojnë 9 milionë euro dëmshpërblim.
Ish-auditori i tha New York Times se ai ishte nën presion për të dhënë dorëheqjen në vitin 2017 pasi ai u akuzua për abuzim me burimet e Kishës për të spiunuar kardinalët kryesorë dhe u kërcënua me burg.
Ndërsa ai tha se kishte paraqitur raporte të shumta për parregullsi financiare midis kardinalëve dhe zyrtarëve të tjerë të Vatikanit, prokurorët ‘kurrë nuk vepruan’. Papa Françesku thuhet se kaloi nga kërkesa për prezantimin e gjetjeve te përpjekja për ta heshtur Milonen, madje duke e sulmuar atë publikisht.
“Po zbuloja gjëra që dikush donte t’i mbante të fshehta.” – u tha Milone gazetarëve javën e kaluar pasi ngriti padinë e tij, duke shpjeguar se ndërsa ai nuk kishte kërkuar ‘të gjente kardinalë që fusnin para në xhepat e tyre’, ai kishte gjetur pikërisht këtë gjë, gjatë kryerjes së detyrave të tij zyrtare.
Ndërsa Milone nuk pranoi të përmendte emra jashtë gjykatës, ai i përshkroi nivelet e larta të Kishës si një ‘fole nepërkash’, me kardinalët që futën në xhep qindra mijëra euro në financat e Kishës, duke depozituar ‘rastësisht’ shuma masive në llogari personale dhe jo në llogari të Kishës dhe duke mbajtur çanta plot me para në zyrat e tyre.
Një zyrtar që ai e emëroi, Kardinali Giovanni Angelo Becciu, është aktualisht në gjyq për përvetësim, shpërdorim detyre dhe mashtrim të Kishës. Milone tha për Times se beson se Becciu qëndronte pas shkarkimit të tij.
