Finalizohet operacioni policor i koduar “Monday”. Policia në kryeqytet në kuadër të këtij operacioni ka vënë në pranga një 34-vjeçar, i cili qarkullonte me armë zjarri me vete. Po ashtu mbante edhe dy thika.
I arrestuari Ivi Kola u ndalua ndërsa lëvizte me automjet në “Rrugën e Kavajës”, ai akuzohet për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
Njoftimi i Policisë:
Finalizohet operacioni policor i koduar “Monday”, për goditjen e veprimtarisë kriminale në fushën e armëmbajtjes pa leje.
Operacioni, i zhvilluar nga Komisariati i Policisë Nr. 3 në bashkëpunim me Forcën e Posaçme “Shqiponja”.
Qarkullonte me armë zjarri me vete, vihet në pranga 34-vjeçari.
Sekuestrohen një armë zjarri pistoletë, një krëhër me municion luftarak dhe dy mjete presëre (thika).
Shërbimet e Komisariatit të Policisë Nr. 3, në bashkëpunim me shërbimet e Forcës së Posaçme “Shqiponja”, në vijim të punës për parandalimin dhe goditjen e veprimtarisë kriminale në fushën e armëmbajtjes pa leje, bazuar dhe në informacionet e marra në rrugë operative, se një shtetas po lëvizte me armë zjarri në automjet, në Rrugën e Kavajës, kanë organizuar punën dhe kanë finalizuar operacionin policor të koduar “Monday”.
Në kuadër të këtij operacioni u bë arrestimi në flagrancë i shtetasit:
– I. K., 34 vjeç, banues në Tiranë, për veprat penale “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi, mbajtja, blerja apo shitja pa leje e armëve të ftohta”.
Gjatë kontrollit të mjetit që ky shtetas drejtonte, shërbimet e Policisë gjetën dhe sekuestruan në cilësinë e provës materiale, një armë zjarri pistoletë, një krehër me municion luftarak dhe dy mjete prerëse (thika).
Materialet procedurale i kaluan Prokurorisë pranë Gjykatës së Shkallës së Parë Tiranë, për veprime të mëtejshme.
