Pas 275 afganëve të mbërritur këto dy ditë, edhe dy avionë të tjerë kanë mbërritur sot në aeroportin “Nënë Tereza”.
Ende nuk dihet numri i konfirmuar zyrtarisht i afganëve brenda këtyre avionëve, por të dhënat paraprake janë se bëhet fjalë për 182 të tjerë.
121 afganët e parë të mbërritur në Tiranë ishin punonjës të Fondacionit të George Sorosit. Ata u strehuan në hotelet në bregdetin e Durrësit. Të tjerët, gazetarë e studentë, të mbërritur me fluturimet e tjera, janë strehuar në Qytetin Studenti.
Për t’i pritur afganët janë angazhuar strukturat shtetërore por edhe personalisht kryeministri Edi Rama, ministrja e Punëve të Jashtme dhe Europës Olta Xhaçka dhe ambasadorja amerikanë në Tiranë, Yuri Kim.
