Një kontenier është bllokuar në portin e Durrësit, pas dyshimeve se brenda tij ka lëndë narkotike.
Pas një kontrolli, është gjetur një sasi droge në tavanin e konteinerit të bllokuar.
Sipas “Balkanweb” në këto momente po sharrohet tavani metalik i dyfishtë i modifikuar, teksa po nxirren, numërohen e peshohen pakot me drogë.
Shqiptarja.com nga ana tjetër, raporton se bëhet fjalë për 200 kilogramë kokainë në portin e Durrësit.
Kontenieri vinte nga Ekuadori, i njëjti shtet nga vinte një tjetër sasi kokainë prej 49 kilogramësh e gjetur në portin e Durrësit pak kohë më parë, kur u arrestua Selim Çekaj, babai i Arbër Çekajt (gjithashtu në burg për drogë).
