Vendosni fjalën kyçe....

Tentoi t’i ikë postbllokut të policisë, makina përplas efektivin në aksin Fushë Krujë – Laç


Një ngjarje e rëndë ka ndodhur mesditën e sotme në Fushë-Krujë, ku një makinë ka përplasur një efektiv policie.

Drejtuesi i automjetit me inicialet K.B, po tentonte t’i largohej postbllokut të policisë në aksin Fushë Krujë-Laç, por goditi një nga efektivët që po tentonte ta ndalonte.

Punonjësi i policisë është dërguar me urgjencë për në spitalin e Traumës në Tiranë. Për fat të mirë, ai ndodhet jashtë rrezikut për jetën.

Ndërkohë 32 vjeçari nga Fushë Kruja është vënë në pranga.

Njoftimi i policisë:

Nuk i bind urdhrit për të ndaluar, aksidentoi punonjësin e Policisë dhe u largua nga vendngjarja, kapet në kohë rekord autori i dyshuar. 32-vjeçari që drejtonte mjetin, person me precedent të theksuar kriminal në fushën e armëmbajtjes pa leje dhe heqjen e paligjshme të lirisë.

Më datë 01.10.2020, rreth orës 12:00, në aksin rrugor Fushë Krujë-Tiranë, në një nga pikat e kontrollit e ngritura në kuadër të Planit të Masave, për parandalimin dhe goditjen e paligjshmërisë, kapjen e personave në kërkim dhe atyre që lëvizin me armë zjarri, shërbimet e Policisë i kanë shenjë një mjeti tip “Audi” për të ndaluar, por drejtuesi është larguar me shpejtësi duke aksidentuar punonjësin e Policisë Rrugore, i cili është dërguar në spital, nën kujdesin e mjekëve, jashtë rrezikut për jetën.

Shërbimet e Policisë i janë vënë menjëherë në ndjekje dhe e kanë arrestuar në flagrancë shtetasin K. B., 32 vjeç, banues në Fushë Krujë. Ky shtetas ishte shpallur në kërkim në vitin 2012, për veprat penale “Armëmbajtje pa leje” dhe “Heqja paligjshme e lirisë”.

Grupi hetimor ndodhet në vendngjarje dhe po punon për zbardhjen e ngjarjes. Materialet do t’i kalojnë Prokurorisë së Rrethit Gjyqësor Krujë, për veprime të mëtejshme.


Leave a Reply

Your email address will not be published. Required fields are marked *