Pas mbytjes së një 60-vjeçareje te Shkëmbi i Kavajës, një tjetër person është mbytur, kësaj here te Gjiri i Lalëzit.
Sipas njoftimi të policisë, viktima është një 26-vjeçar me iniciale Z.T. ndërsa ngjarja e rëndë ka ndodhur rreth ors 14:00.
Mbytja e të riut e rëndon edhe më shumë bilancin në vend për sa u përket mbytjeve në plazhet shqiptare.
Që prej çeljes së sezonit turistik, dhjetëra qytetarë janë mbytur ndërsa në plazhe mungojnë rojet bregdetare, të trumpetuara nga qeveria vitet e fundit.
Njoftimi
Durrës/Informacion paraprak
Më datë 25.08.2020, rreth orës 14:15, tek Gjiri i Lalëzit, shtetasi Z.T., 26 vjeç, banues në Durrës, dyshohet se është mbytur duke u larë në det, e për pasojë ka ndërruar jetë.
Grupi hetimor ndodhet në vendngjarje dhe po punon për zbardhjen e ngjarjes.
