Ministrja në detyrë e të drejtave sociale të Spanjës të dielën i kërkoi Evropës të veprojë urgjentisht kundër “gjenocidit të planifikuar” në Palestinë.
Vërejtjet e Ione Belarra erdhën në një video të shpërndarë në llogarinë e saj X, në të cilën ajo foli me gazetarët gjatë një proteste pro-palestineze në Madrid.
“Sot ne jemi këtu duke shoqëruar të gjithë njerëzit e denjë të vendit tonë dhe gjithashtu të gjithë ata njerëz në të gjithë Evropën që duan të kërkojnë dhe kërkojnë t’i jepet fund një herë e mirë këtij gjenocidi të planifikuar, këtij spastrimi etnik të popullit të Palestinës që po kryhet nga shteti i Izraelit”, tha Belarra.
Udhëheqësit evropianë, përfshirë spanjollët, ‘nuk janë në lartësinë e rrethanave’, tha ajo dhe theksoi: “Ne nuk duam të jemi bashkëpunëtorë në këtë gjenocid të planifikuar dhe mendojmë se Evropa duhet të veprojë urgjentisht. Unë besoj se Evropa do e paguajë shtrenjtë këtë hipokrizi.”
Ajo vijoi: “Publiku është i habitur kur sheh sesi i gjithë pozicioni i Bashkimit Evropian është në varësi të interesave të Shteteve të Bashkuara dhe shtetit të Izraelit”.
Duke thënë se një qëndrim i tillë mund të ndryshojë sot, ministri u bëri thirrje edhe një herë vendeve evropiane të pezullojnë marrëdhëniet diplomatike me Izraelin dhe të aplikojnë sanksione ekonomike shembullore ndaj kryeministrit izraelit Benjamin Netanyahu dhe të gjithë lidershipit politik, si dhe një embargo armësh.
“Sigurisht, ne duhet ta çojmë Netanyahun në Gjykatën Penale Ndërkombëtare për t’u gjykuar si, një kriminel lufte,” tha ajo dhe shtoi: “Unë këmbëngul, jo me heshtjen tonë dhe jo me bashkëpunimin tonë. Ne kemi nevojë për Bashkimi Evropian të veprojë.”
Izraeli ka bombarduar rëndë Gazën që nga 7 tetori kur grupi palestinez Hamas kreu një sulm ndërkufitar, duke vrarë 1400 njerëz dhe duke marrë shumë pengje.
Numri i palestinezëve të vrarë në sulmet izraelite në Gaza është rritur në 8,000, duke përfshirë 3,342 fëmijë, 2,062 gra dhe 460 të moshuar, sipas Ministrisë së Shëndetësisë në Gaza.
