Ambasada Britanike në Prishtinë ka njoftuar se Skuadroni C i Regjimentit të Kalorësisë Shtëpiake është vlerësuar me medalje të NATO-s, të cilat janë dorëzuar nga The Princess Royal.
Sipas njoftimit, medaljet janë dhënë pas përfundimit të një misioni gjashtëmujor në Kosovë, ku ushtarët britanikë kanë kontribuar në kuadër të KFOR-it për ruajtjen e një ambienti të sigurt dhe të qëndrueshëm.
Ambasada thekson se ky vlerësim është një njohje për angazhimin dhe kontributin e forcave britanike gjatë shërbimit të tyre në vend.
