Meta do fillojë etiketimin e përmbajtjeve të krijuara nga AI (Inteligjenca Artificiale) në Facebook dhe Instagram nga maji e tutje, ka njoftuar gjiganti i teknologjisë. Deri tani, kompania kishte një politikë të fshirjes së përmbajtjeve të tilla të krijuara nga kompjuteri.
Kompania do përdorë shënimin “Made with AI” për përmbajtjen e fotografive, audiove ose videove të krijuara me inteligjencë artificiale, shpjegoi në një postim në blog të premten.
Këto shënime ose do vendosen automatikisht kur Meta të zbulojë “sinjalet e përbashkëta të industrisë” me përmbajtje AI, ose kur përdoruesit zbulojnë vullnetarisht se diçka që ata postojnë është krijuar me AI.
Nëse përmbajtja në fjalë mbart “një rrezik veçanërisht të lartë për të mashtruar materialisht publikun për një çështje me rëndësi”, tha Meta.
Aktualisht, politika e “medias së manipuluar” të Meta-s mbulon vetëm videot që janë “krijuar ose ndryshuar nga AI për ta bërë një person të duket se thotë diçka që nuk e ka thënë”. Përmbajtja që shkel këtë politikë hiqet në vend që të etiketohet.
Politika e re e zgjeron këtë rrjet zvarritës tek videot që tregojnë dikë “duke bërë diçka që nuk e ka bërë” dhe te fotot e audiot.
Që nga fillimi i këtij viti, rregullatorët amerikanë kanë njoftuar një ndalim të “thirrjeve robotike” të prodhuara nga AI pasi banorët e New Hampshire u kontaktuan nga një Joe Biden i krijuar nga kompjuteri duke u kërkuar atyre që të dilnin në zgjedhjet paraprake demokratike të shtetit, ndërsa Shtëpia e Bardhë ka premtuar të “përballet” me problemin e pornografisë jokonsensuale pasi fotot e rreme nudo të yllit të popit Taylor Swift u përhapën në mediat sociale.
Ish-presidenti i SHBA-së, Donald Trump, është shprehur gjithashtu mbi këtë çështje, duke akuzuar mediat amerikane se përdorin AI për ta bërë atë të duket më i shëndoshë në fotografi.
