Autoritet angleze kanë sekuestruar një sasi të madhe droge në qytetin Lids, vlera e së ciës arrin deri në 4 milionë paund. Sipas mediave në Angli dyshohet se pas kësaj sasie të madhe droge të sekuestruar fshihet një bandë shqiptare e trafikut të lëndëve narkotike.
Komandanti i qarkut, Steve Dodds, tha se policia është e rezervuar për momentin që të japë detaje të mëtejshme. Gjithashtu nuk dihet numri i personave të arrestuar gjatë këtij operacioni.
Sipas autoriteteve policore, goditja e këtij grupi i cili dyshohet se përbëhet nga shqiptarët është një “shembull i shkëlqyer” i goditjes së tregtisë së drogës në qytet.
Sipas Dodds, më shumë se 2,700 aksione kundër trafikut dhe shitjes së drogës janë kryer nga policia e qytetit Leeds gjatë vitit të kaluar, ndërsa në të paktën 58 raste operacionet kishin qenë të suksesshëm.
