Pasagjerëve që fluturojnë me ‘Korean Air’ do t’u kërkohet të hipin në peshore para se të hipin në avion në javët e ardhshme, për të ndihmuar rregullatorët në Seul të përditësojnë standardet e peshës dhe ekuilibrit të avionit, njoftuan mediat koreano-jugore këtë javë.
Stacionet e peshimit do vendosen në Aeroportin Gimpo të Seulit për udhëtarët vendas nga 28 gushti deri më 6 shtator dhe në aeroportin Incheon për udhëtarët ndërkombëtarë nga 8 deri më 19 shtator, raportoi të hënën ‘Korea JoongAng Daily’.
Linja ajrore do regjistrojë peshën e çdo pasagjeri plus bagazhet e tyre të dorës, të cilat do t’i përcillen Ministrisë së Transportit të vendit. Ministria më pas do i përdorë këto të dhëna për të llogaritur peshën mesatare të një pasagjeri tipik, e cila do përdoret për të hartuar rregulloret mbi rregullimin e ndenjëseve dhe sa karburant shtesë duhet mbajë një aeroplan.
Stafi i linjës ajrore theksoi se pasagjerët me mbipeshë nuk do duhet të paguajnë më shumë dhe se të gjitha të dhënat e mbledhura do jenë anonime.
Sipas të dhënave të vitit 2021, mashkulli mesatar i rritur i Koresë së Jugut peshon 74.1 kg, ndërsa femra mesatare peshon 58.6 kg. Amerikani mesatar është dukshëm më i rëndë, me meshkujt që peshojnë 90.6 kg dhe femrat që peshojnë 77.5 kg (170.9 lb), sipas shifrave të vitit 2018 nga Qendrat për Kontrollin dhe Parandalimin e Sëmundjeve.
