Kanë mbërritur në Tiranë eshtrat e ish-prefektit të Tiranës Qazim Mulleti. Lajmin e ka dhënë kreu i Shoqatës Tirana përmes një njoftimi në Facebook.
Ai shkruan se kthimi i eshtrave të Mulletit është një çast historik për Tiranën e Shqipërinë.
Eshtrat e ish-prefektit të Tiranës kanë mbërritur përmes Portit të Durrësit e më pas do rivarrosen në Tiranë.
“MOMENT HISTORIK PER TIRONEN DHE GJITHE SHQIPERINE. Nen kujdesin e familjes se nderuar Mulleti dhe te nje grupi organizator, mberrijne ne Atdhe arkmorti me eshtrat e nacionalistit dhe veprimtarit politik Qazim Bej Mulleti. I lumtur te perjetoj keto çaste historike qe jane frut i perpjekjeve te gjata per kthimin ne atdhe te eshtrave te nacionalistit,veprimtarit politik, kontribuesit te ndertimit te shtetit modern shqiptar dhe Tiranes bashkekohore, humanistit dhe burrit te pergjegjesive te medha,Tiranasit fisnik, Qazim Bej Mulleti.” – shkruan Tafaj.
