Gjatë konferencës së tij të mëngjesit të enjten, presidenti meksikan Andres Manuel Lopez Obrador akuzoi mediat amerikane për nisjen e një fushate të turpshme kundër ish-presidentit amerikan Donald Trump lidhur me gjyqin e tij të fundit për keqpërdorim të dokumenteve të klasifikuara.
Lopez Obrador akuzoi mediat për manipulim të informacionit kundër Trump pas raportimeve për arrestimin e tij për mbajtje të paligjshme të dokumenteve të klasifikuara. “Atje në SHBA është polarizuar, media dhe rrjetet televizive kundër Trump. Ata fillojnë një gjyq për një abuzim të supozuar të një zonje, dhe më pas një tjetër dhe një tjetër. Dhe ju lexoni raportin e atyre kundër ish-presidentit Trump.” – tha Lopez Obrador.
Trump është paditur me 37 akuza për keqpërdorim të dokumenteve të klasifikuara në një gjykatë federale në Miami, me kandidatin e mundshëm republikan për zgjedhjet e vitit 2024 që është deklaruar i pafajshëm për të gjitha akuzat.
“Në sezonin politiko-elektoral mediat manipulojnë shumë, më shumë se zakonisht”, tha presidenti meksikan.
Udhëheqësi meksikan e ka mbështetur Trump-in përballë akuzave dhe procedurave të ndryshme ligjore me të cilat është përballur.
