Një aksident me pasojë vdekjen ka ndodhur ditën e sotme në Gjirokastër.
Shtetasi F.M 62-vjeç duke drejtuar automjetin “Fiat” dyshohet se humbi kontrollin e mjetit dhe doli nga rruga.
Sipas njoftimit të policisë, 62-vjeçari, ndërroi jetë në spital si pasojë e dëmtimeve të marra.
“Ditën e sotme rreth orës 16:45, në aksin rrugor Gjirokastër-Çajup, në vendin e quajtur “Erind”, shtetasi F. M., 62 vjeç, banues në fshatin Erind, Gjirokastër, duke drejtuar automjetin tip “Fiat”, dyshohet se ka humbur kontrollin mbi drejtimin e automjetit dhe ka dalë nga rruga.
Shtetasi F. M. është transportuar për në Spitalin Rajonal Gjirokastër por ka ndërruar jetë si pasojë e dëmtimeve të marra.
Në vendngjarje ndodhet grupi hetimor dhe po punon për zbardhjen e shkaqeve të aksidentit”-thuhet në njoftimin e policisë.
