Të paktën 20 persona kanë humbur jetën pasi një zjarr përfshiu një shtëpi për të moshuarit në qytetin siberian të Kemerovës.
Gjashtë persona të tjerë u plagosën. BBC shkruan se i gjithë kati i fundit i ndërtesës dykatëshe prej druri është djegur nga zjarri gjatë natës.
Raportet e para thonë se zjarri mund të jetë shkaktuar nga një defekt ime dushin.
Shtëpia private për të moshuarit funksiononte ilegalisht, u cituan të kenë thënë zyrtarët nga agjencia e lajmeve Tass.
Guvernatori i rajonit tha se të gjitha objektet e ngjashme tani do të inspektohen dhe se ka nisur një hetim penal.
Zyrtarët lokalë të shërbimit zjarrfikës i thanë Tass se shumë shtëpi të paregjistruara për të moshuarit funksiononin në të gjithë Rusinë. Si të tilla, ato konsideroheshin pronë private dhe nuk i nënshtroheshin inspektimeve të sigurisë nga zjarri.
Në vitin 2018, 60 njerëz – përfshirë 37 fëmijë – vdiqën në një zjarr në qendër të kohës së lirë në Kemerovë.
