Reperi kontrovers Kanye ‘Ye’ West ka konfirmuar se do kandidojë për presidencën amerikane në vitin 2024.
West, emri ligjor i të cilit është tani Ye, kandidoi më herët në zgjedhjet e vitit 2020 si një kandidat i pavarur, por mori rreth 50,000 vota.
Në një video të postuar nga kanali X17onlineVideo në YouTube, 45-vjeçari bëri një turne të shkurtër në një nga atelietë e tij, ku tregoi rrobat e stilistëve të markave të tilla si Balenciaga dhe Yeezy me fjalët ‘Ye24’.
Në fillim të videos, West prezantoi gjithashtu Milo Yiannopoulos, duke vënë në dukje se autori konservator, komentatori dhe i vetëshpallur ‘ish-gay’ po ‘punon në fushatë’ e tij.
“A është ky një njoftim?” – e pyeti dikush. West qeshi ndërsa Yiannopoulos u përgjigj: “Unë mendoj se është. Faleminderit.”
Njoftimi i West vjen pasi ai u rikthye kohët e fundit në Twitter pas disa polemikash ku u akuzua se kishte bërë deklarata antisemite, gjë që e përjashtoi nga platorma.
