Ndërsa temperaturat po bien ndjeshëm, me njerëzit që ngurrojnë të ndezin ngrohjen në shtëpi për shkak të çmimeve të larta të energjisë, qyteti Osnabruck i Gjermanisë po ofron ‘qendra ngrohjeje’ duke filluar nga mesjava.
Qendrat synojnë të ndihmojnë ata që e kanë të vështirë të ngrohin shtëpitë e tyre, tha këshilltari i parë i qytetit të Osnabruck, Wolfgang Beckermann, për rrjetin e transmetimit publik NDR të martën.
Qendrat e ngrohjes në Osnabruck janë në dispozicion nga ora 4 e mëngjesit deri në 7 të pasdites. Sipas llogaritjeve të Zyrës Federale të Statistikave, çmimet e energjisë në Gjermani u rritën me 35.6% midis gushtit 2021 dhe gushtit 2022.
Në muajin gusht, inflacioni i naftës për ngrohje ishte 111,5% krahasuar me një vit më parë, me 83,8% për gazin natyror dhe 16,6% për energjinë elektrike, ndërsa termocentralet duhet të paguajnë 269,1% më shumë për gazin natyror se në të njëjtin muaj të vitit të kaluar.
