Brían Nguyen është bërë fituesi i parë trans i një konkursi bukurie në SHBA.
“Jam në ekstazë që jam gruaja e parë transgjinore që do të jetë titullarja lokale e Miss America.” – shkruan Nguyen në Instagram.
Brían Nguyen u bë transgjinori i parë që fitoi një titull nën Organizatën Miss America. Ai u emërua Miss Greater Derry 2023, duke i dhënë atij një kurorë dhe bursë, siç u njoftua të dielën e kaluar. Programi i Bursave ‘Miss Greater Derry’ ofron bursa për ‘gratë e reja’ midis moshës 17 dhe 24 vjeç.
“Unë quhem Brían Nguyen, jam 19 vjeç dhe aktualisht jam studente në Kolegjin e Komunitetit Nashua ku do diplomohem në Menaxhim Biznesi.” – shkruan Nguyen në Instagram. Reagimet nga përdoruesit e mediave sociale janë të përziera dhe disa gra besojnë se fitorja e Nguyen ishte një pasqyrim i ‘mizogjinisë së brendshme’.
“Po, Miss Amerika nuk do të jetë më për gratë. Burrat duan të na bëjnë të parëndësishëm.” – shkruan një tjetër komentues.
Këtë javë, Gjykata e SHBA njoftoi se Konkursi Miss America nuk mund të detyrohet të përfshijë transgjinorët si garues pasi kjo do të pengonte aftësinë e organizatës për të shprehur ‘vizionin ideal të gruas amerikane’. Sipas vendimit, ato duhet të lejohen të zbatojnë ‘rregullin e tyre femëror të lindur natyral’ sepse Amendamenti i Parë ua mundëson atyre ta bëjnë këtë.
Konkluzioni erdhi pas një padie nga një grua transfetare e quajtur Anita Green.
“Unë besoj se Miss America është në anën e gabuar të historisë për zgjedhjen e diskriminimit aktiv ndaj njerëzve transgjinorë, por rruga për të krijuar ndryshime kuptimplota ka qenë gjithmonë e gjatë dhe e vështirë.” – tha Green.
“Gratë transgjinore janë gra. Mesazhi im ka qenë gjithmonë konsistent dhe mesazhi im është ky: çdo person ka bukurinë e tij.” – shtoi ajo.
