Një ngjarje e rëndë është regjistruar në Kavajë ku një 31-vjeçar është arrestuar nga policia pasi ka detyruar mbesën e tij të konsumojë lëndë narkotike dhe më pas e ka ngacmuar seksualisht.
31-vjeçari me iniciale K.L ishte dënuar më parë edhe për veprën penalë “Vjedhja”.
“Specialistët për Hetimin e Krimit në Komisariatin e Policisë Kavajë bënë arrestimin për veprat penale “Dhuna në familje”, “Ngacmim seksual” , “Prodhim dhe shitja e narkotikëve” dhe “Nxitja për përdorim droge” të shtetasit:
K.L., 31 vjeç, i dënuar më parë për veprën penale “Vjedhja”.
Ky shtetas dyshohet se ka detyruar mbesën e tij të mitur 14-vjeçare të konsumoje lëndë narkotike kokainë dhe më pas e ka ngacmuar seksualisht.
Më pas ky shtetas ka ushtruar dhunë fizike dhe psikologjike ndaj bashkëshortes së tij.
Materialet u referuan në Prokurorinë pranë Gjykatës së Shkallës Parë Kavajë, për veprime të mëtejshme”-thuhet në njoftimin e policisë.
