Ambasadorja amerikane Yuri Kim vetëm pak minuta më parë ka hyrë në ambientet e SPAK në Tiranë.
Mësohet se Kim hyri në ambientet e godinës së Prokurorisë së Posaçme Antikorrupsion, për të prezantuar hetuesit e rinj të Byrosë Kombëtare të Hetimit, një njësi e ngritur posaçërisht me mbështetjen e SHBA-ve.
Kjo vjen vetëm një ditë pas vizitës së zyrtarit të lartë amerikan Philip Reeker në vendin tonë.
Reeker ishte dje në Tiranë ku zhvilloi takime me Kryeministrin Edi Rama, kreun e PD-së Lulzim Basha si dhe ministrat e Jashtëm dhe të Mbrojtjes.
