Ambergris, e njohur gjithashtu si ‘thesari i detit’ ose ‘ari lundrues’ është materiali më i kërkuar pasi përdoret në parfume për t’i ndihmuar ato të zgjasin më shumë. Zakonisht shitet deri në 50,000 dollarë për kilogram.
Një grup prej 35 peshkatarësh nga Jemeni arriti të peshkojë një sasi të madhe ambergrisi dhe historia e tyre tani po bëhet virale në të gjithë botën.
Kjo ndodhi teksa ata hasën kufomën e një balene gjigante. Peshkatarët e varfër mësuan rreth ambergris ose ‘të vjellave të balenave’ ndërsa po lundronin në Gjirin e Adenit pranë brigjeve të Seriah në Jemenin jugor.
Sipas raporteve të medias, një peshkatar nga Seria lajmëroi një grup prej 35 peshkatarësh për një kufomë të gjitarit gjigand dhe u tha atyre se mund të kishte ambergris.
Kur iu afruan kufomës gjigante, peshkatarët nuhatën aromën e pjekur të erës së fekaleve detare. Kjo i bëri të sigurt se kishte diçka brenda barkut. Më pas, grupi mori trupin e gjitarit të vdekur në breg për ta ekzaminuar.
Kur e prenë, ata u befasuan kur gjetën një grumbull ambergrisi të zi me peshë rreth 125 kilogramë. Sidoqoftë, befasia e tyre u kthye në ekstazë kur mësuan se ‘thesari’ vlente rreth 1.5 milion dollarë.
“Ne të gjithë jemi të varfër. Ishte një çmim i paimagjinueshëm. Asnjëherë nuk e prisnim që kjo gjë do të na jepte një shumë kaq të madhe.” – tha një nga peshkatarët për mediat.
