Vendosni fjalën kyçe....

20 viktima nga një aksident rrugor në Egjipt


Të paktën 20 persona u vranë në një aksident rrugor në Egjiptin jugor të mërkurën, tha Ministria e Shëndetësisë.

Ministria tha në një deklaratë se 36 ambulanca u dërguan në vendin e ngjarjes së aksidentit që ndodhi teksa një autobus dhe një kamion u përplasën në rrugën lindore të shkretëtirës në provincën Assiut.

Aksidenti pati një bilanc prej 20 viktimash dhe plagosjen e tre të tjerëve, të cilët u dërguan në spital.

Media lokale, përfshirë gazetën e përditshme Youm7, raportoi se ‘një ekip nga zyra e Prokurorisë Publike ka filluar një hetim mbi aksidentin për të gjetur shkakun e tij’.

Aksidentet e trafikut ndodhin në Egjipt për shkak të shpejtësisë së lartë dhe mungesës së standardeve të sigurisë, sipas Agjencisë së Mobilizimit Publik e Statistikave, midis përpjekjeve të qeverisë për të hapur rrugë të reja dhe për të zgjeruar autostradat për të ndihmuar në uljen e aksidenteve.