Kryeministri Edi Rama gjatë prezantimit të programit për arsimin kërkoi nga qytetarët që ta votojnë për një mandat të tretë.
Ai tha se shqiptarët kanë vetëm dy mundësi: Ose të zgjedhin atë me të mirat dhe të këqijat e tij për të arritur “majën”, ose të “kthehen mbrapsht” duke zgjedhur palën tjetër.
Gjatë fjalës së tij, Rama u shpreh se në zgjedhjet e 25 prillit nuk luhet fati i ndeshjes zgjedhore mes partive, por fati i të lindurve në këtë shekull të ri.
“Krahasuar me garancinë që ne ju japim dhe me ata që u japin ata të tre të PD, një garanci me të gjithë, sepse ne e dimë se ku duhet të shkojmë dhe si duhet të shkohet aty. Rruga është e përpjetë, por maja është ende larg. Por zgjidhja është e qartë: O së bashku, ne me ju, e ju me ne drejt asaj maje, me kusuret dhe të këqijat tona, ose rrokapjekthi mbrapsht si guri i Sizifit, me ata që nuk e meritojnë një shans tjetër për të udhëhequr Shqipërinë. I patën shanset, një herë, dy herë, tre herë dhe çdo herë bënë të njëjtën gjë.
Im bir sot është 30-vjeç, kosto që shumica dërrmuese prej tyre duhet të paguajë gjithë jetën dhe durimin që u ranë shumë shkurt punëve, është një kosto marramendëse, më 25 prill, luhet fati i gjeneratës së të lindurve në këtë shekull të ri, ose përpara me mundim, me punë, me durim, o prapë në gropë, pas menuve të pasura dhe recetave çudibërëse.”– tha Rama.
