Një automjet tip Mercedes “C Class” ka marrë flakë në një rrugë në periferi të qytetit të Fierit.
Ngjarja ka ndodhur në lagjen “Sheq i Madh” të këtij qyteti, ku makina në ecje është përfshirë nga flakët. Fatmirësisht, drejtuesi ka dalë menjëherë nga mjeti.
“Sot rreth orës 13:50, në lagjen ‘Sheq i Madh’, Fier, në ecje e sipër ka marrë flakë automjeti tip ‘Benz’ me drejtues shtetasin A.K.
Paraprakisht dyshohet se zjarri ka rënë si pasojë e një defekti në mjet.
Grupi hetimor ndodhet në vendngjarje dhe po punon për zbardhjen e plotë të ngjarjes.”– njofton policia.