Prokuroria e Posaçme ka kërkuar shtyrjen me tre muaj të hetimeve mbi tentativën për vrasje të prokurorit të Prokurorisë së Durrësit, Arjan Ndoja. Kërkesë kjo e cila është pranuar sot nga Gjykata e Posaçme.
Sjellim ndërmend se për këtë ngjarje vijon nën masën e sigurisë “arrest me burg”, Redjan Rraja, i dyshuari kryesor për atentatin. Po ashtu edhe Arjon Halilaj, personi i dytë i dyshur si bashkëpunëtor në krim.
Atentati ndaj prokurorit Ndoja ndodhi më 1 nëntor të vitit të kaluar, ku si pasojë e të shtënave më armë humbi jetën shoferi i tij Andi Maloku.
