Tre vëllezër janë arrestuar nga policia, pas akuzave se i kanë vendosur një gjobë 50 mijë euro një biznesmeni në Tiranë duke e kërcënuar.
3 të rinjtë e arrestuar janë Xhekson, Eugert, Aleks Titini, të lindur në Dibër dhe banues në Tiranë. Duke e kërcënuar për jetën e tij dhe të familjarëve, kanë tentuar t’i marrin 50 mijë euro një personi.
Detajet e policisë:
Goditet një tjetër rast i gjobëvënies
Finalizohet operacioni “BROTHERS”
Operacioni nga DVP Tiranë dhe Prokuroria e Krimeve të Rënda
Vihen në pranga tre vëllezër, pasi i kishin vënë gjobë 50 mijë euro një shtetasi.
Në vijim të punës për parandalimin e ngjarjeve të rënda kriminale ndaj jetës dhe pronës, Sektori i Krimeve të Rënda ndaj Jetës dhe Pronës në DVP Tiranë, nën drejtimin e Prokurorisë pranë Gjykatës së Shkallës së Parë për Krime të Rënda Tiranë, pas një pune të mirëorganizuar disa javore duke përdorur edhe metoda speciale hetimi, finalizoi me sukses operacionin “BROTHERS“, si rezultat i të cilit u kapën dhe ndaluan shtetasit:
Xh. T., 23 vjeç,
T., 32 vjeç,
T., 32 vjeç, të tre lindur në Dibër dhe banues në Tiranë
Nga hetimet e deritanishme ka rezultuar se këta shtetas në bashkëpunim me njëri-tjetrin, kanë tentuar t’i marrin në formë gjobe një shumë prej 50 mijë euro një shtetasi, nëpërmjet kërcënimeve të vazhdueshme për jetën e tij dhe të familjarëve.
Materialet do t’i kalojnë për ndjekje të mëtejshme Prokurorisë pranë Gjykatës së Shkallës Parë për Krime të Rënda, për veprat penale “Shtrëngimi me anë të kanosjes ose dhunës për dhënien e pasurisë” e kryer në bashkëpunim.
