Pas problemeve që hasi me komunitetin në San Francisco kur nxori zbuluar Nancy Pelosin, pronarja e sallonit të bukurisë ka marrë një shumë prej 300 mijë dollarësh nga një grup mbështetësish.
Erica Kious i tha “Fox News”-it të hënën se një faqe GoFundMe u krijua për të mbuluar kostot e zhvendosjes së biznesit të saj, pasi ajo nxorri një video të Pelosit duke vizituar sallonin e saj pa maskë.
“Do të doja të falënderoja personalisht çdo person që më dërgoi lutje, fjalë inkurajimi dhe mbështetje, veçanërisht në një kohë kur kaq shumë po përpiqen të sigurojnë jetesën e tyre”, tha Kious.
“Unë jam shumë e përulur dhe mirënjohëse që kam marrë një burim kaq të mirë mirësie, ndjeshmërie dhe bujarie nga njerëz që as nuk i njoh, dhe nga të gjitha sferat e jetës dhe të gjitha anët e spektrit politik. është një kujtesë e fuqishme që gjërat e zakonshme që na lidhin të gjithëve si amerikanë janë shumë më kuptimplota dhe më të qëndrueshme sesa ndryshimet politike dhe ideologjike që marrin kaq shumë vëmendje dhe përqendrim”– vazhdoi ajo.
Faqja për mbledhjen e fondeve u krijua nga ish-kryetarja e GOP në shtetin e Nevadës, Amy Tarkanian.
Kjo pasi Kios deklaroi se ishte kthyer në një shënjestër kërcënimesh pas videos së Pelosit dhe se do t’i duhej të zhvendoste biznesin e saj. Shuma prej 300 mijë dollarësh u mblodh për pesë ditë.
Kios ishte ajo e cila nxori videon e Kryetares së Dhomës së Përfaqësuesve, që shfaqej në sallonin e saj të bukurisë pa maskë, për më tepër në një kohë kur kjo ishte e ndaluar.
