Kryetarja e LSI-së, Kryemadhi, ka dalë nga selia e PD-së pas një takimi me kreun e kësaj partie, Basha.
Në deklaratën e saj për gazetarët, Kryemadhi tha se nuk ka më Këshill Politik për Reformën Zgjedhore.
Ajo tha se opozita ka dërguar 5 propozime për 5 drafte lidhur me reformën në fjalë dhe shumicës i duhet të zgjedhë vetëm njërin prej tyre
Kryemadhi shtoi se shumicës i intereson vonimi i Reformës Zgjedhore pasi kjo i jep më shumë kohë kryeministrit Rama që të vjedhë me koncesionet.
“Nesër mblidhet komisioni që do njihet me 5 propozimet. 5 drafte, për njërin nga këto drafte të bjerë dakort mazhoranca dhe presim reagimin e tyre. Çdo zvarritje që vjen nga pala tjetër nuk është e papritshme. Ata duan edhe një sekondë kohë më tepër pasi një firmë nga Rama do të thotë një vjedhje më shumë për koncesion. Për kushtet që ka dhënë OSBE/ODIHR, kanë në tavolinë 5 propozime, le të bien dakord me njërin prej tyre.” – tha Kryemadhi.
