Një aksident ku janë përfshirë një automjet tip Mercedes-Benz e një ambulancë ka ndodhur ditën e sotme në Durrës.
Sipas policisë, autovetura private që drejtohej nga një 36-vjecarr me iniciale I.R., ishte nisur për në spital por është përplasur me ambulancën.
E plagosur nga përplasja ka mbetur 44-vjeçarja me iniciale E.R., që ishte pasagjere në mjetin privat, e cila është jashtë rrezikut për jetën në spitalin e Durrësit.
Njoftimi
Më datë 26.04.2020, në lagjen nr.13, Durrës, një mjet tip “Benz” me drejtues shtetasin I.R., 36 vjeç, i cili ishte nisur për në spital është përplasur me një autoambulancë.
Si pasojë e përplasjes është lënduar pasagjerja e mjetit “Benz”, shtetësja E.R.,44 vjeçe e cila ndodhet nën kujdesin e mjekëve jashtë rrezikut për jetën.
Grupi hetimor vijon punën për zbardhjen e plotë të shkakut të aksidentit.