Studiuesit ‘King’s College’ në Londër, kanë zhvilluar një mjet të ri për të parashikuar se cilët adoleshentë janë më të rrezikuar nga zhvillimi i depresionit kur bëhen 18 vjeç, bazuar në një grup gjithëpërfshirës të faktorëve.
Studiuesit studiuan mbi 2 mijë 15-vjeçarë brazilianë, duke përdorur 11 faktorë përfshirë marrëdhëniet familjare, përdorimin e drogës, suksesin akademik ose dështimin, si dhe seksin e ngjyrën e lëkurës për të siguruar një rezultat të rrezikut.
Sipas Dr. Valeria Mondelli nga ‘King’s College’, bashkëautore e studimit, ai shënon një hap të parë të rëndësishëm në përmirësimin e zbulimit dhe trajtimeve për depresionin.
Studiuesit u përpoqën të shkojnë përtej metodave tradicionale të diagnostikimit të rreziqeve të shëndetit mendor tek të rinjtë dhe përpiluan të dhënat e tyre me rezultatet e rrezikut të përdorura, për të parashikuar probleme të tjera shëndetësore, siç është rezultati i rrezikut kardiovaskular.
