Një person është vrarë dhe dhjetë të tjerë të plagosur në një sulm në një qendër tregtare, ku e ka selinë një kolegj në Kuopio, Finlandë.
Një nga personat e plagosur është autori i dyshuar, i cili u arrestua nga oficerët e policisë.
Sipas policisë lokale, ngjarja e rëndë ka ndodhur në ambientet e një kolegji profesional që ndodhet në qendrën tregtare Herman.
Viktima u dërgua në spital ndërsa dy nga të plagosurit janë në gjendje të rëndë. Disa dëshmitarë i thanë mediave se agresori përdori thikën gjatë sulmit.
Herman ka në brendësi të tij Kolegjin Profesional të Savonias Veriore përkohësisht, ndërsa pak kilometra më tej po ndërtohet godina e re e kolegjit.
