Pas aksidentit të rëndë është gjetur kutia e zezë në Indonezi. “Boeing 737 MAX 8” me 189 pasagjerë dhe anëtarë të ekuipazhit u rrëzua të dielën në mëngjes, vetëm 13 minuta pas nisjes nga Xhakarta në Pangkal Pinang.
Nga ky aksident nuk shpëtoi asnjë. Në kutinë e zezë dëgjohet qartë regjistruesi i zërit në kabinën e pilotit nga avioni i Lion Air. “Është konfirmuar, është gjetur kutia e zezë”, tha për AA, Mohamad Zaenal, kryetar i Shërbimit për Informacion Detar.
Siç bën të ditur Zaenal, zhytësit kanë gjetur kutinë e zezë në një thellësi pritej 30 metrash, e ndarë nga trupi i avionit.
“Ndoqëm sinjalet duke ngushtuar zonën e kërkimit. Pastaj gërmuam në vendndodhjen ku dëgjohej zëri ‘ping’, ku dhe gjetëm kutinë e zezë”, shtoi ai më tej.
