Ish-shefi i inteligjencës braziliane, Alexandre Ramagem, është ndaluar në SHBA nga autoritetet e emigracionit, në një zhvillim që lidhet me një çështje të rëndë politike në Brazil, përcjell DW.
Ramagem u arrestua nga agjentët e U.S. Immigration and Customs Enforcement (ICE) në Orlando, ku ai kishte qëndruar pasi u arratis nga Brazili për t’i shpëtuar arrestimit.
Ai ishte dënuar me mbi 16 vite burg nga Supreme Federal Court of Brazil për përfshirje në një komplot për grusht shteti, që synonte përmbysjen e rezultatit të zgjedhjeve të vitit 2022, ku fitoi Luiz Inácio Lula da Silva ndaj Jair Bolsonaro.
Sipas autoriteteve braziliane, Ramagem u largua nga vendi në mënyrë të paligjshme në vitin 2025, duke kaluar kufirin drejt Guajanës dhe më pas duke udhëtuar drejt SHBA-së.
Arrestimi i tij në SHBA lidhet kryesisht me çështje migratore, ndërsa ekstradimi drejt Brazilit pritet të varet nga procedurat diplomatike dhe vendimet e autoriteteve amerikane.
Rasti është pjesë e një hetimi më të gjerë mbi përpjekjet për të përmbysur rendin demokratik në Brazil pas zgjedhjeve të vitit 2022, një nga krizat më serioze politike në vend në dekadat e fundit.
