Irani lëshoi më shumë se 300 “kërcënime të llojeve të ndryshme” ndaj Izraelit, duke përfshirë raketa balistike, dronë dhe raketa lundrimi, tha zëdhënësi i IDF-së, Avichay Adraee.
“Ne kemi kapur 99 për qind të kërcënimeve ndaj territorit izraelit. Kjo është një arritje strategjike shumë e rëndësishme”, tha Adraee.
Në një postim në X, zëdhënësi i IDF dha një përmbledhje të numrit të armëve të përdorura për të synuar Izraelin:
“Nga rreth 170 dronë të lëshuar nga Irani, asnjë prej tyre nuk depërtoi në shtetin e Izraelit, pasi avionët luftarakë të forcave ajrore dhe sistemet tona të mbrojtjes ajrore të aleatëve tanë përgjuan dhjetëra prej tyre.
Nga më shumë se 30 raketa lundrimi të lëshuara nga Irani, asnjëra prej raketave nuk depërtoi në territorin izraelit. Avionët tanë luftarakë kapën 25 raketa jashtë kufijve të vendit.
Nga më shumë se 120 raketa balistike, një numër shumë i vogël depërtuan në kufirin izraelit, ndërsa pjesa tjetër e raketave u kapën. Ky numër i vogël ra në një bazë të forcave ajrore në Nafatim dhe shkaktoi dëme të vogla në infrastrukturë”, u shpreh zëdhënësi i IDF.
VINI RE: Ky material është pronësi intelektuale e The Guardian
