Kremlini tha të hënën se nuk ka kontakte midis Rusisë dhe Perëndimit pas sulmit terrorist në Crocus, ku u vranë 137 njerëz dhe plagosi mbi 180.
Zëdhënësi i Kremlinit Dmitry Peskov u tha gazetarëve në Moskë se ndërsa nuk ka kontakte me vendet perëndimore, Presidenti Putin ka pasur shumë biseda telefonike gjatë ditës së kaluar me krerë të tjerë botërorë, të cilat u zotuan në forcimin e bashkëpunimit dypalësh në luftën kundër terrorizmit.
Duke komentuar nëse SHBA-ja e paralajmëroi Rusinë për sulmin në sallën e koncerteve, Peskov tha se inteligjenca u jepet shërbimeve speciale, por nuk mund të zbulohet pasi është pjesë e informacionit të ndjeshëm.
Peskov tha se Kremlini tani për tani nuk po merr pjesë në diskutimin për heqjen e moratoriumit të dënimit me vdekje, mes diskutimeve për marrjen e një hapi të tillë mes ligjvënësve rusë në parlament.
Zëdhënësi nuk pranoi të komentojë se cilët janë personat e arrestuar në hetimin rreth të shtënave, duke u shprehur se hetimet janë në zhvillim e sipër.
I pyetur në lidhje me grupin Daesh/ISIS që ka marrë përgjegjësinë për sulmin, Peskov kërkoi të mbështetet në informacionet nga agjencitë e zbatimit të ligjit.
Të paktën 137 persona u vranë dhe mbi 180 të tjerë u plagosën pasi persona të armatosur hapën zjarr të premten kur grupi rock Picnic ishte gati të jepte shfaqje në sallën e qytetit Crocus në rajonin e Moskës.
Komiteti Hetues tha se arrestoi 11 persona, përfshirë katër autorë, në rajonin kufitar të Bryansk në rrugën e tyre për në Ukrainë.
