Seanca plenare e ditës së sotme ka zgjatur vetëm 21 minuta, pasi Rithemelimi me zhurmues në sallë bllokoi sërish punimet.
Ndërkohë, teksa sot pritej të votohej ligji për kthimin e basteve online, me kërkesë të PS u ndërrua rendi i ditës dhe votimi u shty.
Ashtu siç e kishin paralajmëruar, deputetët e opozitës vendosën të shkaktonin përsëri kaos në Kuvend, ku nisën aksionin opozitar duke lyejer me miell punonjësit e Gardës. Ishte deputeti Flamur Noka ai që iu hodhi miell punonjësve.
Ndërkohe Deputeti Dshnor Sula vendosi të paraqitet sot në Kuvend me një veshje ndryshe, i veshur me euro dhe dollarë.
“Para disa vitesh Rama tha do i japim fund marrëzisë, sot ka nisur cmenduria për mazhorancës. Përfundoi pastrimi i parave me kullat e ndërtuara. Krimi dhe trafiqet e kokainës të investoheshin në Ndërtim. Tani pastrimi do bëhet me bastet”, tha ai.
Pas hyerjes në seancë dhe zhvillimeve të rendit të ditës Deputetët e opozitës vijuan duke penguar punimet në Kuvend nëpërmjet zhurmuesve.
Gjithashtu pas mbajtjes së fjalimit në foltore deputeti opozitar Edi Paloka vendosi të djegë rregulloren e Kuvendit.
Nga ana tjetër deputeti Dashnor Sula hodhi një tufë me euro në drejtim të vendit ku qëndronin ministrat.
Teksa Kuvendi votoi kundër amendamentit të Bashës për sigurinë kombëtare, dhe rialokimin e 50 mln euro si ndihmë ushtarake për Kosovën, Lulzim Basha u largua së bashku me deputetët e tjerë.
Pas përfundimit të seancës, Deputeti Flamur Noka ka goditur me vezë makinën e ministrit të Brendshëm Taulant Balla dhe të sekretarit të përgjithshëm të Kuvendit, Genc Gjonçaj.
