Një aksident i rëndë është regjistruar në Fier, ku një 26-vjeçar ka humbur jetën.
Sic njofton policia, i riu ka humbur kontrollin e mjetit dhe ka dalë nga rruga. Për pasojë ka ndërruar jetë. Policia po punon për zbardhjen e rrethanave të aksidentit.
Njoftimi i policise:
Fier/Informacion paraprak
Në orët e para të mëngjesit të sotëm, në aksin rrugor Fier-Lushnjë, shtetasi E. N., 26 vjeç, banues në Fiershegan, duke drejtuar automjetin tip “Benz”, ka humbur kontrollin mbi drejtimin e automjetit dhe për pasojë automjeti ka dalë nga rruga.
Si pasojë e daljes nga rruga, 26-vjeçari ka ndërruar jetë.
Grupi hetimor po punon për zbardhjen e rrethanave të aksidentit
