Duma ruse, dhoma e ulët e parlamentit, ka miratuar legjislacionin që e bën të paligjshëm ndryshimin e gjinisë në Rusi, me një pjesë të vogël përjashtimesh mjekësore. Ligjvënësit përmendën detyrimet morale për t’i rezistuar ‘industrisë’ transgjinore dhe ndikimit të huaj si arsye për amendamentet.
Projektligji, i cili u miratua në leximin e tretë dhe të fundit të premten, ndalon ndërhyrjet mjekësore që synojnë ndryshimin e gjinisë, si dhe procedurat përkatëse për ndryshimin e statusit ligjor të pacientëve që i nënshtrohen.
Disa objekte mjekësore do autorizohen nga qeveria për të kryer procedurat që kërkohen për të trajtuar ‘anomalitë e lindura fizike në formimin e gjinisë tek fëmijët’, sipas projektligjit. Një këshill mjekësor do vendosë nëse një ndërhyrje e tillë është e nevojshme.
Kufizimet janë të nevojshme për të kundërshtuar ndikimin ‘shkatërrues’ në shoqërinë ruse që vjen nga Perëndimi, shpjeguan mbështetësit e projektligjit.
“Tani për tani ka një industri e zhvilluar për ndryshimin e gjinisë në Rusi, e cila përfshin mjekë keqpërdorues, psikologë, një rrjet të zhvilluar organizatash dhe aktivistësh LGBT dhe individë të tjerë”, thuhej në një memorandum nga sponsorët që justifikonin projektligjin.
Deputetët pretenduan se dikush mund të marrë një certifikatë mjekësore të transeksualizmit, e cila hap rrugën për ndryshimin e gjinisë, për 330 dollarë në një klinikë private. Disa dyshohet se i lëshojnë ato pa një ekzaminim të duhur mjekësor. Numri i aplikimeve në gjendjen civile ruse për të ndryshuar ligjërisht gjininë është rritur nga 142 në 2016 në 996 vitin e kaluar, vunë në dukje ata.
Kryetari i Dumës Vyacheslav Volodin përshëndeti miratimin e projektligjit, duke thënë se ai do të mbronte vendin që të mos shkojë në drejtimin e SHBA. Ai tha se numri i operacioneve për ndryshimin e gjinisë në Amerikë ishte rritur 50 herë në një dekadë. Volodin e quajti trendin ‘monstruoz’ dhe të papranueshëm për Rusinë.
