Të paktën tre persona u vranë dhe 25 të tjerë u plagosën pas sulmeve me raketa ruse në Kryvyi Rih të Ukrainës qendrore të martën herët, sipas zyrtarëve ukrainas.
Serhii Lysak, kreu i administratës ushtarake të rajonit Dnipropetrovsk, tha në Telegram se mbrojtja ajrore rrëzoi tre raketa mbi qytet, por kishte gjithashtu disa që depërtuan.
“Objektet civile janë dëmtuar”, tha ai, duke shtuar se 19 prej të plagosurve janë shtruar në spital.
“Kishte një sulm masiv me raketa në Kryvyi Rih. Rusët kryen një tjetër sulm terrorist në sektorin e banesave – brenda natës. Ky ishte tinëzar. Mizor,” tha Lysak më herët në Telegram.
Kryebashkiaku Oleksandr Vilkul tha më herët se një ndërtesë apartamentesh pesëkatëshe u godit dhe viktimat mund të mbetën të bllokuar nën rrënoja.
“Apartamente nga kati i parë deri në të pestë janë në flakë. Zjarri ka përfshirë 700 metra katrorë. Ekipet e shpëtimit po e shuajnë”, tha kryebashkiaku në një përditësim.
Katër persona u plagosën gjithashtu në një vend tjetër në qytet ku një ndërtesë dhe një makinë kishin marrë flakë, shtoi ai.
