Katër persona, përfshirë një vajzë shtatëvjeçare, janë plagosur nga të shtënat jashtë një funerali në veri të Londrës, ka thënë policia Metropolitane, sipas The Guardian.
Oficerët thanë se tre gra – të moshës 48, 54 dhe 41 – u dërguan në spital pas incidentit të së shtunës pasdite në Phoenix Road, afër stacionit Euston.
Detektivët thanë se ngjarja ka ndodhur në afërsi të një kishe, ku po zhvillohej një varrim. Policia tha se të shtënat dyshohet se janë qëlluar nga një automjet në lëvizje.
Lëndimet e tyre nuk mendohet të jenë kërcënuese për jetën, por 48-vjeçari ka pësuar një dëmtim që mund t’i ndryshojë jetën.
Një vajzë shtatë vjeçare u dërgua më vonë në një spital qendror të Londrës me lëndime që besohet se janë pësuar në të njëjtin incident.
Në një deklaratë të lëshuar në Tëitter, policia e Camden tha se tani kishte një “prezencë të konsiderueshme policore” në zonë dhe se një hetim ishte duke u zhvilluar.
Ende nuk është bërë asnjë arrestim.
