Një gjykatë në Kaliforni vendosi të premten në favor të një bukëpjekëseje të krishterë që kundërshtoi të përgatiste një tortë për një martesë lezbike. Ndërsa shteti argumentoi se ajo kishte thyer ligjet kundër diskriminimit, gjykata zbuloi se ai ishte brenda të drejtave të Amendamentit të Parë.
Rasti daton në vitin 2017, kur Cathy Miller nga Bakersfield, Kaliforni, referoi një çift lezbikesh te një bukëpjekës tjetër kur ata kërkuan një tortë për martesën e tyre. Ekipi i mbrojtjes së Miller tha se ndërsa ajo do kishte qenë ‘e lumtur t’u shiste dy grave një tortë të përgatitur paraprakisht’, dekorimi personal do ishte miratim i martesës së homoseksualëve, gjë që është kundër besimit të saj të krishtera.
Miller ishte në shënjestër me padi të shumta, duke përfshirë një nga Departamenti i Kalifornisë për Strehim e Punësim të Drejtë, që argumentoi se kundërshtimi i saj shkelte një ligj të të drejtave civile të vitit 1959.
Megjithatë, gjyqtari J. Eric Bradshaë i Gjykatës së Lartë të Kalifornisë deklaroi se Miller nuk kishte ndërmend të diskriminonte, por ishte e motivuar nga ‘besimi i saj i sinqertë i krishtera’, që mbrohet nga Kushtetuta e SHBA-së.
“Ne e përshëndesim gjykatën për këtë vendim.” – tha avokati mbrojtës Charles LiMandri.
“Liria për të praktikuar fenë është e sanksionuar në Amendamentin e Parë dhe Gjykata e Lartë e Shteteve të Bashkuara ka mbështetur prej kohësh lirinë e shprehjes artistike.”
Çifti i lezbikeve që solli rastin në vëmendjen e shtetit tha për mediat se synojnë të apelojnë vendimin.
Furrat e bukës janë bërë një front i njohur në fushën e betejës kulturore në SHBA vitet e fundit. Bukëpjekësi i Kolorados, Jack Phillips, fitoi një fitore të pjesshme në Gjykatën e Lartë në vitin 2018, pas një beteje ligjore shumëvjeçare që rrjedh nga kundërshtimi i tij për të gatuar një tortë për një çift homoseksual.
Ndërsa gjykata vendosi se Komisioni i të Drejtave Civile të Kolorados ishte fajtor për paragjykime antifetare kundër Phillips, bukëpjekësi më pas u përfshi në një tjetër padi, këtë herë për kundërshtimin e tij për të gatuar një tortë në përkujtim të një personi që ndryshoi gjininë. Phillips u gjobit me 500 dollarë pasi gjykata mbajti anën e paditësit, një gjyqtar transgjinor i përshkruar nga avokatët e Phillips si një ‘aktivist radikal’.
