Pak ditë para Samitit të BE-së që mbahet në datat 23 dhe 24 qershor, kryeministri Edi Rama ka pranuar publikisht se Shqipëria dhe Maqedonia e Veriut do të marrin një tjetër “JO” për çeljen e negociatave.
Rama shprehet se BE është rrëmbyer nga Bullgaria e cila nuk do të heqë veton ndaj Maqedonisë së Veriut duke bllokuar kështu edhe çeljen e negociatave për vendin tonë.
Kryeministri madje vë në dyshim pjesëmarrjen e tij apo jo atje, pasi pyet “Çfarë duhet të bëj atje?”.
“Ne diskutuam gjatë sot me liderët e Serbisë dhe Maqedonisë së Veriut për Samitin e ardhshëm të BE-së. Duket se një tjetër ‘Jo, më fal!’ do të jetë ajo që do të dëgjojmë në fund! I gjithë Unioni i rrëmbyer nga Bullgaria nuk është një spektakël i mirë për t’u parë! Çfarë të bëj atje?!”- shkruan Rama.
We discussed today at length with Serbia’s and North Macedonia’s leaders about the upcoming EU Summit. It seems that another “No,sorry!” is gonna be what we will hear at the end! The whole Union kidnapped by Bulgaria it is not a good spectacle to watch! What to do there?!
— Edi Rama (@ediramaal) June 21, 2022
