Shpërthim i fuqishëm pranë ‘Sheshit të Flamurit’ në Vlorë
Një ngjarje e rëndë ka ndodhur në Vlorë para pak çastesh. Një shpërthim i fuqishëm me tritol ka ndodhur pranë Sheshit të Flamurit.
Dyshohet se bëhet fjalë për një atentat ndaj një personi ndërsa shpërthimi ka ndodhur në lagjen ’10 Korriku’ në vijën e dytë të Lungomares, pranë një pallati.
Siç duket në pamjet video, një person ka mbetur i shtrirë në tokë dhe po ndihmohet nga kalimtarët e rastit. I plagosur rëndë nga shpërthimi ka mbetur një 33-vjeçar i identifikuar si Indrit Sadedinaj.
Njoftimi i policisë
“Më datë 18.12.2021, rreth orës 15:10, në lagjen ‘10 Korriku’, jashtë një pallati ka shpërthyer në rrethana ende te paqarta një sasi lënde, dyshohet eksplozive e për pasojë është dëmtuar shtetasi I. S., i cili ndodhet në gjendje të rëndë. Shërbimet e policisë kanë shkuar menjëherë në vendngjarje dhe po punojnë për zbardhjen e rrethanave të ngjarjes.”
*Video Credit: Shqiptarja
