Wargaming, studioja që qëndron pas lojërave të njohura luftarake në internet si ‘World of Tanks’, ‘World of Warships’ dhe ‘World of Warplanes’, ka njoftuar se do të mbyllë plotësisht operacionet në Rusi dhe në Bjellorusinë e saj, ku u themelua dhe është kompania më e madhe e lojërave në vend.
Ajo njoftoi vendimin në një deklaratë të postuar në faqen e saj si dhe në LinkedIn, duke thënë se kishte filluar tashmë procesin e mbylljes së studios së saj në Minsk dhe ka transferuar biznesin e operimit të lojërave të saj në Rusi dhe Bjellorusi te Lesta Studio – një zhvillues rus që ‘nuk është më i lidhur’ me kompaninë.
“Kompania nuk do të përfitojë nga ky proces as sot dhe as në vazhdim. Përkundrazi, ne presim të pësojmë humbje të konsiderueshme si rezultat i drejtpërdrejtë i këtij vendimi.” – pranoi Wargaming në deklaratë.
Megjithatë, studioja pohoi se do të përfundojë tranzicionin ‘me gjithë shpejtësinë e duhur’ duke iu përmbajtur ligjeve vendase dhe duke garantuar sigurinë dhe mbështetjen e punonjësve të saj. Ajo shtoi se prodhimet dhe shërbimet e drejtpërdrejta do të mbeten të disponueshme për rusët dhe bjellorusët gjatë gjithë kësaj periudhe, pasi ato do të operohen nga operatori i ri i lojërave.
Megjithëse nuk dha një arsye e qartë për vendimin, ai ka të ngjarë të lidhet me konfliktin e vazhdueshëm ushtarak midis Rusisë dhe Ukrainës, si dhe sanksionet e rrepta të vendosura ndaj të gjitha kompanive ruse dhe bjelloruse.
Wargaming gjithashtu ka shprehur vazhdimisht mbështetjen për Ukrainën gjatë këtij konflikti, ka dhuruar një milion dollarë për Kryqin e Kuq të Ukrainës dhe ka shkarkuar një drejtor krijues për shprehjen e mbështetjes për operacionin ushtarak të Putinit.
Wargaming bashkohet me një mori kompanish të mëdha nga të gjitha industritë që kanë vendosur të pezullojnë ose mbyllin plotësisht operacionet e tyre në Rusi dhe Bjellorusi, pasi Moska sulmoi fqinjin e saj në fund të shkurtit.
