Presidenti serb Aleksandar Vuçiç e ka shpallur veten fitues të zgjedhjeve presidenciale të së dielës, teksa një parashikim i hershëm e vendos atë mjaft përpara rivalëve për të shmangur një balotazh.
Një analizë e Qendrës për Zgjedhje të Lira dhe Demokraci i ka dhënë Vuçiçit 59% të votave, një diferencë e rehatshme e fitores.
Duke folur nga selia e partisë së tij, lideri i tanishëm i Serbisë deklaroi se ‘Serbia do të mbetet në rrugën evropiane dhe reformiste, por edhe mike me Rusinë dhe Kinën’. Vendi është aktualisht në procesin e anëtarësimit në BE, por ka kundërshtuar të ndërpresë të gjitha marrëdhëniet me Moskën në mes të konfliktit në Ukrainë, ndryshe nga fqinjët e tij anëtarë të NATO-s.
Ndërsa Partia Progresive e Vuçiçit duket se nuk ka arritur në 50% në parlament që do i nevojiteshin për një shumicë të qartë, në vend të kësaj parashikohet të fitojë rreth 43% të vendeve, ka të ngjarë të krijojë një aleancë me socialistët, me të cilët ka punuar në të shkuarën. Aleanca opozitare e Bashkuar për Fitoren e Serbisë duket se do të mbetet pas dukshëm me vetëm 13% të votave.
Rreth 50.82% e votuesve të regjistruar dolën për të hedhur votën e tyre deri në mbylljen e qendrave të votimit në orën 20:00 me orën vendase. Nga Komisioni Shtetëror i Zgjedhjeve nuk u raportuan për parregullsi të rënda në votim dhe rezultatet zyrtare pritet të dalin të hënën.
Ashtu si në Hungarinë fqinje, e cila gjithashtu mbajti zgjedhjet parlamentare të dielën, opozita serbe u përpoq ta përshkruante presidentin e tanishëm si një kukull ruse, edhe pse shumica e serbëve mbështesin asnjanësinë për vendin e tyre, veçanërisht duke pasur parasysh pakënaqësitë e thella ndaj NATO-s që lindën nga fushata bombarduese e aleancës në 1999.
Ndërsa Vuçiç iu bashkua shumicës së vendeve evropiane në dënimin e sulmit rus ndaj Ukrainës në Kombet e Bashkuara, ai nuk i ka ndjekur ato në vendosjen e sanksioneve të gjithanshme, duke vënë në dukje se Beogradi varet nga Moska për pjesën më të madhe të energjisë dhe burimeve të tjera të saj.
