Gazetari Isa Myzyraj i cili ka qenë duke raportuar ditën e sotme protestën në selinë blu pretendon se nga selia blu nuk është hedhur gaz lotsjellës por një lëndë e bardhë.
Ai thotë se lënda e bardhë nuk të shkaktonte asnjë dëmtim por vetëm të bënte pis rrobat.
Myzyraj thotë se gaz u hodh kur ndërhyri policia për të shpërndarë turmën.
“Le të tregohemi realistë: Nga brenda selisë së PD mund të ketë pasur edhe kriminelë, edhe terroristë edhe anëtarë të bandave, por gaz lotsjellës NUK është hedhur në asnjë moment.
Është hedhur një lëndë e bardhë e cila nuk shkaktonte asnjë dëmtim (fotoja poshtë) por në asnjë moment gaz lotsjellës.
Lënda e lëshuar nga brenda PD të bënte të gjithë rrobat pis me ngjyrë të bardhë, gazi nuk e bën një gjë të tillë.
Gazi është hedhur me shumicë nga policia në momentin e shpërndarjes së turmës.
Më quani gazetar të Bashës e të Dumës, por realiteti është ky dhe kush e pohon të kundërtën ose nuk ka qenë fizikisht aty ose po gënjen!”-shkruan Myzyraj.
