Vendosni fjalën kyçe....

Komisioni i Rithemelimit të PD: Buratini i qeverisë sot foli për suksese imagjinare ndërsa kukulla e tij për betejat e sapofilluara


Komisioni i Rithemelimit të PD-së, ka reaguar pas konferencave për shtyp të Kryeministrit Edi Rama dhe kryetarit të opozitës Lulzim Basha.

Në deklaratën e shpërndarë edhe nga Sali Berisha thuhet se Rama foli për sukeseset e tij imagjinare ndërsa Basha vijoi refrenin bajat të betejave që sapo kanë filluar pas 8 vitesh humbjesh.

Më tej në deklaratë thuhet se ditët e para të Vitit të Ri do shënojnë ndarjen përfundimtare nga Pazar-humbjet.

Reagimi i plotë:

E ardhmja nuk mund të jetë humbje dhe disfatë por vetëm FITORE!

Në ditën e parafundit të vitit që po lëmë pas, shqiptarët dëgjuan njëri pas tjetrit buratinin e qeverisë dhe kukullën e tij që vazhdon të uzurpojë dhe për pak ditë PD në rolet e tyre 8 vjeçare. Si çdo vit buratini i qeverisë që kalon nga skandali në skandal, foli për suksese imagjinare, pasojat e të cilave kanë detyruar 500 mijë shqiptarë të largohen nga vendi. Në anën tjetër, kukulla e tij vazhdoi refrenin bajat të betejave që sapo kanë filluar dhe pas 8 vitesh humbjesh, deshtimesh dhe disfatash, u paraqitet shqiptarëve si ardhmja!

Sot aseti më i madh i Edi Ramës është Lulzim Brava sepse përmes tij, Rama nuk u ka vjedhur vetëm të tashmen dhe të ardhmen por mbi të gjitha shpresën! Arsyeja e vërtetë përse rregjimi më i korruptuar i Europës sapo ka siguruar mandatin e tretë është opozita e korruptuar e Lulzim Bravës dhe pazareve qe ai bën tash 8 vjet me sakrificat e demokratëve!

Lulzim Brava ka humbur zgjedhjet, ka humbur qytetarët, ka humbur demokratët, ka humbur delegatët, ka humbur strukturat dhe vetë Partinë Demokratike, por i gënjen mendja se do mund të vazhdojë pazaret dhe marrveshjet e fshehta me Edi Ramën me vula dhe brava!

Kjo ka marrë fund! Në ditët në vijim, demokratët do të marrin në dorë fatet e tyre duke u bërë përmbarues të vullnetit të tyre politik. Koha kur sakrificat e tyre nëpërkëmbeshin për pazaret e Lulzim Bravës kanë marrë fund. Ditët e para të Vitit te Ri do të shënojnë ndarjen përfundimtare nga pazar-humbjet dhe rikthimin e shpresës tek qytetarët dhe demokratët për një opozitë të vërtetë dhe fituese.

Komisioni i Rithemelimit