Kryeministri Edi Rama ka publikuar këtë mëngjes Krishtlindjeje një video-kolazh me disa nga momentet që kanë shënjuar vitin që po lëmë pas.
“MIRËMËNGJES, në këtë ditë të bekuar paqeje, pushimi, reflektimi dhe shprese.”– shkruan Rama krahas pamjeve që shfaqen nga Thumana, që e tregojnë dëmet nga tërmeti i 26 Nëntorit të 2019-ës, punimet për Rindërtimin dhe Thumanën e rindërtuar.
Sot besimtarët e krishterë në Shqipëri dhe në të gjithë botën festojnë Krishtlindjen. Ky është viti i dytë radhazi i festuar ndryshe për shkak të situatës dhe kufizimeve të marra kundër COVID 19.
